Daruur madow oo
colaadeed oo dul hoganasa Waqooyiga Soomaaliya oo
nabad baahday ka jirtay ilaa intii ay dhacday dawladii
dhexe ee Soomaaliya.
(Maygaagle,
February 23,
2011 Ceegaag Online)
Wararka nagasoo gaadhaya agagaarka
baliga qadiimiga ah ee Maygaagle ayaa ku soo waramaya in
dagaalkii dib uga qarxay saaka, Daryanka rasaasta ayaa laga
maqlayaa deegaanada ku xeeran Baliyadaa qadiimiga ah ee
baryahan danbe hoyga u noqday daadinta Dhiiga Sokeeye.
Dagaalka ka soconaya dhinaca Hawdka
ayaa waxaa lagu soo waramayaa inuu isu badalayo mid ay ku
dagaalamayaan maleeshiyo beeleedyo deegaanka ah oo gacan ka
helaya qaabaa-ilada degan maamul ka Puntland, iyo ciidamada
maamulka Somaliland.
Dagaalka saaka oo bilowday sideedii
subaxnimo ee geeska afrikada bari ayaa hada waxaa madaafiic
habow ah ay ku soo dhacayaan degaano aan horay wax dagaal
ama colaad ahi uga jirin sida Horufadhi, lama garanayo cida
ilaa imika madafiicdaa kusoo ridasa dhinacan.
Dhinaca nawaaxiga magaalada Laascaanood
ayaa iyana ay ka jiraan dhaqdhaqaaq ciidan iyada oo
ciidamada maamulka Somaliland dib ugu soo rareen Taliska
Ciidanka ee Laascaanood tuulada Abeesolay, dhinaca Puntland
ayaa iyana Talis ciidan ka dhigtay Tuulada Tukoraq.
Dagaalkan ayaa hada u muuqda in waan
waantii nabadeed laga tanaasulay kuna dhamaankara uun
ismuquunin MILATARI.
Warbixinta Colaadan Sokeeye kala soco
www.ceegaag.com
Ibraahim Xasan Cismaan(Timo Wayne)
webmaster@ceegaag.com
|
